ዋዜማ ራዲዮ- በሕወሓትና በማዕከላዊው መንግስት መካከል ጦርነት ከተካሄደ በኋላ በአማራና በትግራይ ክልል የይገባኛል ጥያቄ የሚነሳባቸው የወልቃይት ፣ሁመራና ራያ አካባቢዎች በአማራ ክልል ሀይሎች መያዛቸው ይታወቃል።

More stories

«ኡስታዝ አቡበከርን በማገት ሊብሬውን በመቀየር መኪናውን ሊነጥቁ ነበር» የተባሉ አምስት ተከሳሾች እንዲከላከሉ ተበየነ

July 10, 2024

ጦርነቱ አይቀሬ ሊሆን? በአፋር መከላከያ ምላሽ ሰጠ

May 12, 2022

ባልደራስ “በውክልና ሽብር አያሰራጨ ነው” ተባለ

July 12, 2022

ኢትዮጵያ ፌስቡክንና ትዊተርን ሊተካ የሚችል የማህበራዊ ትስስር ገጽ ስራ ላይ ልታውል ነው

August 21, 2021

“ከውስጥ በር ለማስከፈት … ከጣራ በላይ ጩኸት” አብን አማራን ለሶስተኛ ዙር ወረራ እያመቻቹ ያሉትን በይፋ አወገዘ

May 24, 2022

በነዚሁ አወዛጋቢ አካባቢዎች የራሱን መንግስታዊ መዋቅር ያደራጀው የአማራ ክልል ማህበራዊና የፀጥታ አገልግሎት እየሰጠ ይገኛል። የአማራ ክልል አንዳንድ ባለስልጣናት አካባቢዎቹ ከዚህ ቀደም በሀይል የተወሰዱበትና ያስመለሳቸው መሆኑን ይናገራሉ።

አካባቢዎች ህወሀት መራሹ መንግስት ህገ መንግስቱም ሳይጸድቅ በህገ ወጥ መንገድ ከአማራ ህዝብ የነጠቃቸውና ; ቀድሞ የአማራ ህዝብ የነበሩ ናቸው ; ህወሀት በህገ ወጥ መንገድ ከወሰዳቸው በሁዋላም በህዝባችን ላይ ሰፊ ጭቆናን ካሳረፈባቸው አካባቢዎች ዋነኞቹ ናቸው በሚልም ዋነኛ የአማራ ተወላጆች የትግል ማጠንጠኛም ነበሩ።

በአወዛጋቢዎቹ አካባቢዎች ዕጣ ፈንታ ላይ በአማራ ክልልም ሆነ በፌደራል መንግስቱ በኩል እስካሁን ጥርት ያለ አቋም መያዝ አለመቻሉን ተገንዝበናል። በጉዳዩ ላይ በከፍተኛ የመንግስት ባለስልጣናት መካከል የሀሳብ ልዩነቶች እንዳሉ ዋዜማ ራዲዮ ከምንጮቿ ሰምታለች። የሀሳብ ልዩነቶቹ መነሻም የአማራ ክልል የይገባኛል ጥያቄ በሚያነሳባቸው አካባቢዎች ህዝበ ውሳኔ ተደርጎ የአካባቢው ነዋሪዎች ከየትኛው ክልል መካለል እንደሚፈልጉ ይወስኑ በሚለውና ; ቦታዎቹ በፊትም በህገ ወጥ መንገድ ነው ከአማራ ህዝብ ላይ የተወሰዱት አሁንም ያለ ምንም ተጨማሪ አካሄድ በአማራ ክልል መተዳደር ይቀጥሉ በሚሉ ሀሳቦች መካከል ነው።

ህዝበ ውሳኔ ተደርጎ የአካባቢዎቹ እጣ ፈንታ ይወሰን የሚለው አቋም አማራጭ በፌደራሉ መንግስትና እና በጥቂት የአማራ ብልጽግና አባላት መሆኑን ዋዜማ ራዲዮ ሰምታለች። በጉዳዩ ላይ ከምን አይነት የተጠቃለለ አቋም ላይ ስለመደረሱ እስካሁን የታወቀ ነገር የለም። ነገር ግን ህዝበ ውሳኔ ይደረግ ቢባል ራሱ በአካባቢዎቹ የሚኖሩ የማህበረሰብ አባላት ፍቃደኝነት አጠራጣሪ መሆኑን እንደሚያምኑ ምንጮቻችን ነግረውናል።

ቀድሞ የትግራይ ክልል ያስተዳድራቸው የነበሩት የወልቃይት ፣ሁመራና ራያ አካባቢዎች በመጪው ምርጫ ያልተካተቱ መሆኑን ከብሄራዊ ምርጫ ቦርድ ያገኘነው መረጃ ያመለክታል።

ወልቃይት ራያና መሰል አካባቢዎች እስከ ቅርብ ወራት በትግራይ ክልል ስር የነበሩ በመሆኑ ትግራይ ክልል ደግሞ በዚህ አመት ምርጫ የማድረግ እቅድ የሌለ መሆኑንም ስምተናል። [ዋዜማ ራዲዮ]