የፌደራል ከፍተኛ ፍርድ ቤት ልደታ ምድብ ጊዜ ቀጠሮ ችሎት የድርጅቶችን የግብር መጠን እንቀንሳለን በማለት ከፍተኛ መጠን ያለው ጉቦ ተቀብለዋል ተብለው ተጠርጥረው በቁጥጥር ስር የዋሉት የአአዲስ አበባ ገቢዎች ቢሮ ሰራተኞች ላይ የ15 ቀን ክስ የመመስረቻ ጊዜ ፈቅዷል።
ተጠርጣሪዎቹ የተሰጣቸውን ኃላፊነትን ወደ ጎን በመተው ከግብር ከፋይ ግለሰቦች ጋር በጥቅም በመመሳጠር ከግብር ከፋይ ድርጅቶች ከፍተኛ የገንዘብ መጠን ጉቦ በመቀበል ወንጀል ተጠርጥረው በጊዜ ቀጠሮ ችሎት ፍርድ ቤት ሲቀርቡ እንደነበር ይታወሳል፡፡
የአዲስ አበባ ፖሊስ ኮሚሽን የምርመራ ቡድን በቀጠሮው ግለሰቦቹ በተጠረጠሩበት የሙስና ወንጀል በቁጥጥር ስር በማዋል በጊዜ ቀጠሮ መዝገብ ሲያከናውን የቆየውን የመጀመሪያ ዙር የምርመራ ማጣሪያ ስራውን ማጠናቀቁን ለችሎቱ አስታውቋል።
የፍትህ ሚኒስቴር የሙስና ጉዳዮች ዳይሬክቶሬት ዐቃቤ ሕግ በመዝገቡ ላይ ተሰይሞ የምርመራ መዝገቡን ከፖሊስ መረከቡን ገልጾ፤ መዝገቡ ላይ ለመወሰን በሕጉ መሰረት የ15 ቀን የክስ መመስረቻ ጊዜ እንዲሰጠው ጠይቋል።
በተጨማሪም ዐቃቤ ሕግ ተጠርጣሪዎቹ ላይ 1 ሺህ 620 የሰነድ ማስረጃዎች መሰብሰቡንና በተደረገው ማጣራት ስራ ቤቶችና ተሽከርካሪዎች መገኘታቸውን እንዲሁም 119 ሚሊየን ብር ጥቅም የተገኘና ጉዳት የደረሰ መሆኑን ገልጾ ሰነዶችን ተመልክቶ ለመወሰን ጊዜ እንደሚያስፈልገው አብራርቷል።
የተጠርጣሪ ጠበቆች በበኩላቸው÷ ቀደም ብሎ የምርመራ ስራ መጠናቀቁን ገልጸው በምርመራ ማጣሪያ ስራው ላይ ዐቃቤ ሕግ አብሮ ሲመረምር ቆይቶ እንደ አዲስ መዝገብ ተመልክቼ ለመወሰን ክስ መመስረቻ ጊዜ ይሰጠኝ ማለቱ ተገቢነት የለውም በማለት ደንበኞቻቸው በእስር ሊቆዩ እንደማይገባ በመግለጽ ተከራክረዋል።
የ3ኛ እና የ6ኛ ተጠርጣሪ ጠበቆች ደንበኞቻቸው የወንጀል ተሳትፎ እንደሌላቸው በመግለጽ ተጨማሪ ጊዜ ሊሰጥ አይገባም በማለትም ተከራክረው ነበር።
የ4ኛ ተጠርጣሪ ጠበቃ በደንበኛው የባንክ ሂሳብ ውስጥ 4 ሚሊየን ብር ማን እንዳስገባላት ሳታውቅ መግባቱን በመጥቀስ እና ከወንጀሉ ጋር የሚያገናኛት ነገር እንደሌለ ተገልጾ የሁለት ወር ህጻን ያላት አራስ መሆኗን ፍርድ ቤቱ ከግምት ውስጥ አስገብቶ ዋስትና እንዲፈቀድላት ተጠይቋል።
ጠበቆቻቸው የደንበኞቻቸው ዋስትና መብት እንዲከበርም የጠየቁ ሲሆን÷ ዐቃቤ ሕግም የደንበኞች ተሳትፎ አልተለየም ተብሎ ለቀረበ መከራከሪያ መልስ ሰጥቷል፡፡
በዚህም 3ኛ እና 6ኛ ተጠርጣዎች ከፍተኛ የግብር ከፋይ ኦዲተሮች መሆናቸውን ጠቅሶ÷ ግብር እናስቀንሳለን እየተባለ በተሰራ የኦዲት ስራ ላይ ተሳትፎ እንዳላቸው ገልጾ መልስ ሰጥቷል፡፡
እንዲሁም ዐቃቤ ሕግ 119 ሚሊየን ብር ጥቅም የተገኘበትና ጉዳት የደረሰበት መዝገብ መሆኑን በመግለጽ÷ ክስ ሊመሰረት የሚችለው ዋስትና ሊያስከለክል በሚችል ድንጋጌ ስር እንደሚሆን ጠቅሶ መዝገቡን ተመልክቶ እስኪወስን ተጠርጣሪዎች በእስር እንዲቆዩ ጠይቋል።
የግራ ቀኙን ክርክር የመረመረው ጊዜ ቀጠሮ ችሎቱ ከ4ኛ ተጠርጣሪ ውጪ ባሉ ተጠርጣዎች ላይ የክስ መመስረቻ ለዐቃቤ ሕግ መፈቀድ እንዳለበት በማመን ለዐቃቤ ሕግ የ15 ቀን ክስ መመስረቻ ጊዜ ፈቅዷል፡፡
4ኛ ተጠርጣሪን በሚመለከት የሁለት ወር ህጻን ልጅ ያላት አራስ መሆኗን ጠቅሶ የህጻኗን ሁኔታ ከግምት በማስገባት በ100 ሺህ ብር ዋስትና ተፈቅዶላታል፡፡
ዐቃቤ ሕግ ለተጠርጣሪዋ ለግብር ማስቀነሻ በሚል ከተለያዩ ድርጅቶች 16 ሚሊየን ብር በሂሳብ ቁጥሯ እንደገባላት ገልጾ ዋስትና መፍቀዱ አግባብ አይደለም በማለት ዋስትናው እንዲታገድለት ጥያቄ አቅርቧል።
በታሪክ አዱኛ FBC
TIPS
The Wars We Still Can Stop
Ethiopia: Israel Foreign Minister Says His Country Wants to Be Part of Ethiopia’s Success
A Nation Silenced: How the 1993 Referendum Stripped All Ethiopians of Their Sea
The 1976 TPLF Manifesto: TPLF’s “Republic of Greater Tigray”
Away from the global spotlight, Eritreans are trapped in a garrison state
Testimonials of a Sudanese Intelligence Officer on the Proxy war between Sudan and Ethiopia from 1970s to early 1990s
Ethiopia-Eritrea Tension: A Volatile History that Never Truly Ended – Could Assab Become Africa’s Crimea?
“As an outlier among the five tplf leaders, I wasn’t part of the armed struggle tradition”
Former Tigray fighters say no to war
Don’t Risk Your Future: The United States Cracks Down on Illegal Immigration
Counter-Video by EBC Challenges EBS Broadcast, Sparks Public Outcry Over Alleged Misinformation
Ethiopia and Eritrea Slide Closer to War amid Tigray Upheaval
Sea Outlet Serious and Unabated Agenda for Ethiopia: Retired Lieutenant General Yohannes
Israel’s Peace With Egypt Is Starting to Crack
Egyptian, Eritrean FMs reject involvement of non-bordering countries[Ethiopia] in Red Sea security
Ethiopia, Creditors Agree on $8.4 Billion Debt Restructuring
