“ካናዳ ለጉልበተኞች አትበረከክም”

More stories

መካከለኛው ምስራቅ የደም ምድር፤ «የእስራኤል ረጅም እጅ ኢራን ውስጥ የማይደርስበት ሥፍራ የለም»

October 2, 2024

በዘረኝነትና በሃይማኖት ስም እልቂት የሚያነሳሱ በሽብር ወንጀል በህግ ሊጠየቁ ነው፤ ዘመዴ “ለዘመዶቹ” የድረሱልኝ ጥሪ አቀረበ

June 22, 2023

ለኢፌዴሪ አየር ሃይል እንደተጻፈ ተደርጎና በቅንብር ተሰርቶ ማህበራዊ ሚድያ ላይ የተሰራጨ ደብዳቤ ቅጥፈት ነው

August 7, 2023

በሶማሊያ የሰላም አሰከባሪ ኃይል ያሰማሩ አገራት የግብጽን ወደ ቀጠናው መጠጋት እየተቃወሙ ነው

October 8, 2024

«ዳፍንታምነኝ» – ያሬድ ጥበቡ

July 1, 2023

ካናዳ ነገሮችን እንደየ አመጣጣቸው ማስተናገድ ትችላለች ጉልበተኛንም ፈርታ የምትሸሽ ሳይሆ  የምትቋቋም ናት ሲሉ ካርኒ ተናገሩ

የዩናይትድ ስቴትስ ፕሬዝዳንት ዶናልድ ትራምፕ በካናዳ ላይ የ25 በመቶ ቀረጥ መጣላቸውን ተከትሎ ቀጣዩ የካናዳ ጠቅላይ ሚኒስትር ለመሆን ግንባር ቀደም ተወዳዳሪ የሆኑት ማርክ ካርኒ ሀገራቸው ‘ጉልበተኛን ፈርቶ የሚያቀረቅር ሳይሆን የሚጋፈጥ ” ነው ብለዋል።

የ59 ዓመቱ ተፎካካሪ ካርኒ በጥር ወር ለካናዳ ገዥ ሊበራል ፓርቲ መሪ እጩ  መሆናቸውን ያሳወቁ ሲሆን በቀድሞ ስራቸው የካናዳና የእንግሊዝ ባንክ ገዥ ነበሩ።

በአሁኑ ጊዜ ጠቅላይ ሚኒስትር ጀስቲን ትሩዶን ለመተካት ከሚወዳደሩት አምስት እጩዎች አንዱና  እስካሁን ድረስ በሊበራል የፓርላማ አባላት መካከል ትልቁን የድጋፍ ድምፅም አግኝቷል ።

ለመሪነትም የሚደረገው ውድድር መጋቢት 9 ይጠናቀቃልም ተብሏል ።

በፉክክሩ የሸነፈው አካል በፍቃደኝነት የለቀቀውን የቀድሞ ጠቅላይ ሚኒስትር ጀስቲን ቱሩዶን ስፍራ ወክሎ ጠቅላይ ሚስትርም የፓርቲ መሪም እንደ ሚሆን ተዘግቧል።

ስለ ታሪፉ የተጠየቁት ካርኒ “ፕሬዝዳንት ትራምፕ ምናልባት ካናዳን እጠቀልላለሁ ብለው ያስባሉ።እኛ ግን ጉልበተኛን እንቃወማለን፣እንጋፈጣለን እንጂ ወደ ኋላ አናፈገፍግም ።አንድ ሆነን አፀፋውን እንመልሳለን “ብለዋል ።

የቀድሞው የእንግሊዝ ባንክ ገዥ በበኩላቸው የታሪፉ ጭማሬው ‘በዓለም ዙሪያ የአሜሪካን ስም ያጠለሻል” ሲሉ ሃሳባቸውን ሰንዝረዋል።

“እንዲህ አይነቱ ውሳኔ የዋጋ ግሽበትን ያስከትላል ፣የእድገት እንቅፋት ይሆናል ፣ የወለድ ምጣኔን ከፍ እንዲል ያደርጋል  ዋሽንግተንም ይህንኑ ነው እያደረገችው ያለው “ብሏል።

አክለውም አሜሪካ ከቅርብ የንግድ አጋሯ ጋር እና የንግድ ስምምነቶችን ከፈፀመቻቸው  ሀገራት ጋር ይህን መሰል ተግባር ስትከውን ከአሥር ዓመት ባነሰ ጊዜ ውስጥ ይሄ “ለሁለተኛው ጊዜ ነው” ብሏል።

የምጣኔ ሀብት ባለሙያዎች አዲሲ የተጣለው ታሪፍ በካናዳ ኢኮኖሚ ላይ ከፍተኛ ጉዳት ሊያደርስ እንደሚችል እና ለአሜሪካውያን ከፍተኛ ዋጋ እንደሚያስገኝ ጠቁመዋል።

ታሪፍ የትራምፕ የኢኮኖሚ ራዕይ ዋና አካል ነውም ብለዋል።የአሜሪካን ኢኮኖሚ ለማሳደግ እና የታክስ ገቢን ለማሳደግ እንደ አማራጭ ይወስዱታል ሲሉ ጠቁመዋል ።

ተሰናባቹ  ትሩዶ፤ የካናዳ ምላሽ ለተጣለው አዲሱ ታሪፍ ‘ጠንካራ’ እና ‘አፋጣኝ’ ይሆናል ብለዋል ሲል የዘገበው ቢቢሲ ነው።

ልኡል ወልዴ

ጥር 24 ቀን 2017 ዓ.ም