“አምስት የኃይል ማመንጫ ፕሮጀክቶች ግንባታ በመከናወን ላይ ናቸው”

More stories

መሳፍንት ደቡብ አፍሪቃ ተገድሎ አስክሬኑ በተቃጠለው መኪናው ውስጥ ተገኘ

June 18, 2024

“መከላከያ በቄለም ወለጋ ዞን የወርቅ ማዕድን ሲመዘብሩ ነበሩ 135 የሸኔ ሽብር ቡድን ተላላኪዎችን ያዝኩ” አለ

October 12, 2024

ሰላምና የቱሪዝም ፈተና በአማራ ክልል

July 4, 2023

ከነዳጅ አውቶሞቢሎች ከፀጥታና ከደህንነት ዕቃዎች በስተቀር ያለ ውጭ ምንዛሬ ክፍያ እንዲገቡ ተፈቀደ

August 19, 2024

“ኢትዮጵያ የባህር በር ጥያቄዋ ፍትሃዊ እንደሆነ የማይረዳ የለም” የእስራኤል አምባሳድር

April 1, 2025

– ለጅቡቲ፣ ለኬኒያና ለሱዳን ኃይል እየቀረበ ነው፣

–  ለጎረቤት ሀገራት እየቀረበ ያለው ኃይል ከሚመነጨው ከ10 በመቶ በታች ድርሻ ያለው ነው፣

–  ከ30 በመቶ በላይ ገቢ እየሸፈነና ለቀጠናዊ ትስስር አስተዋጽዖ እያበረከተ ነው፣

የሀገሪቱን ዕድገት የሚመጥን የኃይል መሰረተ ልማት ግንባታ በመከናወን ላይ መሆኑ ተገለጸ


የኢትዮጵያ ኤሌክትሪክ ኃይል ሀገራዊ የኢኮኖሚ እድገቱን የሚመጥን የኃይል መሰረተ ልማቶችን ግንባታ እያካሄደ መሆኑን የተቋሙ የኮርፖሬት ኮሙዩኒኬሽን መምሪያ ዳይሬክተር ገለጹ።

በአሁኑ ወቅት ኤሌክትሪክ ኃይል ኢኮኖሚያዊ እድገትንም ሆነ ማህበራዊ ልማት ፈጽሞ ማሰብ የማይቻልበት ጊዜ ሆኗል።

ተቋሙም ይህን ታሳቢ ያደረጉ የኃይል መሰረተ ልማቶችን ግንባታ በመላ ሀገሪቱ በማከናወን ላይ እንደሚገኝ ገልጸዋል።

አሁን ላይ ያለውን ሀገራዊ ኃይል የማመንጨት አቅም ከእጥፍ በላይ ለማሳደግ ታላቁ የኢትዮጵያ ህዳሴ ግድብን ጨምሮ አምስት የኃይል ማመንጫ ፕሮጀክቶች ግንባታ በመከናወን ላይ ናቸው ብለዋል።

የኃይል ፍላጎት ባለባቸው አካባቢዎች የማከፋፈያ ጣቢያዎች የማስፋፊያና የማዘመን ሥራ ከማከናወን ጎን ለጎን ተደራሽነቱንና ፍትሐዊነቱን የሚያሰፉ አዳዲስ የማከፋፈያ ጣቢያዎችንና ማስተላለፊያ መስመሮችን እየገነባ እንደሆነም ተናግረዋል።

የሚገነቡ የማከፋፈያ ጣቢያዎችና የማስተላለፊያ መስመሮች እስከ አሁን የኤሌክትሪክ ተጠቃሚ ያልነበሩትን አካባቢዎች ተደራሽ ማድረግን ትኩረት ያደረጉ መሆናቸውንም ጠቁመዋል።

በቀጣዮቹ አምስት ዓመታት የኃይል ተደራሽነት ሽፋኑን አሁን ካለበት 54 በመቶ ወደ 78 በመቶ ለማድረስ ትኩረት ተሰጥቶ እየተሰራ መሆኑን አቶ ሞገስ ገልፀዋል።

ከዋናው ግሪድ ኃይል የማያገኙ አካባቢዎችም ኦፍ ግሪድ በሆነ ወይም ከግሪድ ጋር ባልተገናኘ መንገድ ኃይል የሚያገኙበትን መንገድ መንግስት ትኩረት ሰጥቶ እየሰራ እንደሆነም ጠቁመዋል።

የሀገር ውስጥ የኃይል ፍላጎትን ከማሟላት ባሻገርም በቀጠናው የሚገኙ የጎረቤት ሀገራትን በኃይል ለማስተሳሰር በርካታ ተግባራት በመከናወን ላይ እንደሚገኙ አስረድተዋል።

በዚህም ለጅቡቲ፣ ለኬኒያና ለሱዳን ኃይል እየቀረበ መሆኑንና በቅርቡም ለታንዛኒያ ማቅረብ እንደሚጀመር ጠቁመዋል።

እንደ አቶ ሞገስ ገለጻ ለጎረቤት ሀገራት እየቀረበ ያለው ኃይል ከሚመነጨው ከ10 በመቶ በታች ድርሻ ቢኖረውም የተቋሙን ከ30 በመቶ በላይ ገቢ እየሸፈነና ለቀጠናዊ ትስስር አስተዋጽዖ እያበረከተ መሆኑን አንስተዋል።

እየተገነቡ ያሉ የኃይል መሰረተ ልማቶች የአፍሪካ ህብረት በአጀንዳ 2063 የቀረፀውን አህጉሩን በመሰረተ ልማት የማስተሳሰር ዕቅድ ለማሳካት ጉልህ ድርሻ እንደሚያበረክቱ ማብራራታቸውን ከኢትዮጵያ ኤሌክትሪክ ኃይል የተገኘ መረጃ ያመለክታል።

ተቋሙ በአሁኑ ወቅት በኦፕሬሽን ላይ ብቻ የሚገኙ 194 የማከፋፈያ ጣቢያዎች፣ 20 ሺ 673 ኪሎ ሜትር የማስተላለፊያ መስመሮች እና 17 የማመንጫ ጣቢያዎችን ያስተዳድራል ብለዋል።

መጋቢት 17 ቀን 2017 ዓም (ኢ ፕ ድ)